O 24 de decembro de 2020 a Comisión Europea e Reino Unido alcanzaron un acordo en principio sobre as condicións para a futura relación a partir do 1 de xaneiro de 2021.
O borrador de acordo alcanzado denomínase Acordo de Comercio e Cooperación entre a UE e Reino Unido e, en virtude do mesmo, ambas as partes acordaron crear unha ambiciosa zona de libre comercio sen aranceis nin cotas sobre produtos, mecanismos de cooperación regulatoria e aduaneira, así como disposicións que garantan igualdade de condicións para unha competencia aberta e xusta, como parte dunha asociación económica máis ampla.
O Acordo de Comercio e Cooperación UE-Reino Unido cobre as seguintes áreas: comercio de bens e servizos, comercio dixital, propiedade intelectual, contratación pública, aviación e transporte por estrada, enerxía, pesca, coordinación no ámbito da seguridade social, aplicación da lei e cooperación xudicial en materia penal, cooperación temática e participación en programas da Unión.
Está apoiado por disposicións que garanten a igualdade de condicións e o respecto dos dereitos fundamentais.
O Acordo conferirá dereitos e obrigas tanto á UE como ao Reino Unido, con pleno respecto da súa soberanía e autonomía regulatoria.
Rexerase por un marco institucional sobre o funcionamento e cumprimento do Acordo, así como por mecanismos vinculantes de solución de controversias e cumprimento.
As disposicións do acordo non rexen o comercio de mercadorías entre a UE e Irlanda do Norte, onde se aplicará o Protocolo sobre Irlanda e Irlanda do Norte incluído no Acordo de Retirada.
O 24 de decembro de 2020 alcanzouse un acordo de principio a nivel de negociadores. O acordo atópase en aplicación provisional desde o 1 de xaneiro de 2021.
Texto completo do Acordo en castelán [PDF].
Para máis información sobre o contido do Acordo, pode consultar a sección de preguntas frecuentes da Secretaría de Estado de Comercioou ben a sección de preguntas frecuentes da Comisión Europea.
Grazas polos teus comentarios.
